2019 йилги мавсумдан бошлаб ЎзПФЛ лицензиялаш талабларига жавоб берувчи футбол клублари ўртасида Ўзбекистон Лига кубоги мусобақасини ташкил этади.

Мусобақада Суперлиганинг 14 та, шунингдек, А Про-лиганинг “Машъал” ҳамда “Шўртан” клублари иштирок этади.

Лига кубогининг 16 жамоаси 4 та гуруҳга ажратилди. Жамоалар гуруҳ босқичида 3 тадан учрашувда иштирок этади.

Дастлабки тур ўйинлари 31 май ва 1 июнь кунлари бўлиб ўтади.

Тур доирасида “Насаф” ўз майдонида “Навбаҳор” жамоасини қабул қилади. Учрашувда “аждарлар” кўк, “лочинлар” жамоаси эса қизил рангли спорт либосларида майдонга тушишади.

Таъкидлаш жоиз, “Насаф” — “Навбаҳор” учрашуви 31 май, жума куни соат 19:15да бўлиб ўтади.

Манба:pfl.uz