2019 йилги мавсумдан бошлаб ЎзПФЛ лицензиялаш талабларига жавоб берувчи футбол клублари ўртасида Ўзбекистон Лига кубоги мусобақасини ташкил этади.

Мусобақада Суперлиганинг 14 та, шунингдек, А Про-лиганинг “Машъал” ҳамда “Шўртан” клублари иштирок этади.

Лига кубогининг 16 жамоаси 4 та гуруҳга ажратилди. Жамоалар гуруҳ босқичида 3 тадан учрашувда иштирок этади.

Дастлабки тур ўйинлари 31 май ва 1 июнь кунлари бўлиб ўтади.

1-тур доирасида АГМК ўз уйида “Қизилқум” билан баҳс олиб боради. Учрашувда олмалиқликлар сариқ футболка, қора шорти ҳамда қора гетриларда майдонга чиқишади. Навоийликлар эса оқ-қора-оқ рангдаги спорт формаларида ҳаракат қилишади.

Таъкидлаш жоиз, АГМК — “Қизилқум” учрашуви 31 май, жума куни соат 19:15да бўлиб ўтади.

Манба:pfl.uz