Pepsi Суперлиганинг 8-тур ўйинлари ниҳоясига етди. Учинчи кундаги ўйинлар ҳам қизиқарли ва шиддатли кечиши олдиндан маълум эди, шундай бўлди ҳам. 7 тур якунига кўра “Насаф” жамоаси энг кўп дуранг қайд этган жамоа бўлиб турганди, 8-турда Олмалиқда меҳмон бўлган қаршиликлар АГМК майдонида ҳам дурангга эришди ва бу борадаги кўрсаткичини янада яхшилаб олди.
«Тошкент дербиси»ни томоша қилиш учун “Бунёдкор” стадионига ҳар қачонгидан кўра кўпроқ мухлислар келишди. Стадион ташқарисида турли аттракционлар ўрнатилди, таомлар, ичимликлар савдоси йўлга қўйилди.
Учрашувда Ҳисобни биринчи бўлиб майдон эгалари очиб беришди. Аммо кейин «Локомотив» вазиятни ўнглашга муваффақ бўлди. Кетма-кет ҳужумлар натижасида ҳакам мезбонлар дарвозаси томон икки бор пенальти белгилади ва ҳар иккаласини ҳам Марат Бикмаев қойилмақом тарзда амалга оширди.
Ушбу турда энг кўп томошабин “Бухоро” – “Қизилқум” учрашувида кузатилди – 20 мингдан ортиқ мухлис шу куни ўйинни бевосита стадиондан томоша қилишди, бу борада “иккинчи ўрин” айнан “Бунёдкор”га насиб этди. “Қалдирғочлар”нинг ўйинини томоша қилиш учун 20 мингга яқин томошабин ташриф буюрди.
8-ТУР
АГМК – “НАСАФ” – 0:0
25 апрель. Олмалиқ шаҳри. АГМК стадиони. 8745 томошабин.
Ҳакамлар: Темур Тўхтасинов (Андижон), Анваржон Маражабов (Андижон), Зиёдулла Абдураҳмонов (Андижон).
АГМК: Павел Матяш, Абдуқаҳҳор Хожиакбаров, Хуршидбек Мухторов, Дилшод Жўраев, Музаффаржон Музаффаров (Камолиддин Мурзоев, 90), Зафар Полвонов (Вадим Чемиртан, 75), Шохназар Норбеков, Владимир Бубанья, Владислав Касминин, Йован Жокич, Жавлон Гусейнов.
“Насаф”: Санжар Қувватов, Ғолиб Ғайбуллаев, Азизжон Ғаниев, Одилжон Ҳамробеков, Бобир Абдухолиқов (Бобир Давлатов, 82), Игорь Голбан, Ислом Рашидхонов (Жаҳонгир Алиев, 74), Сайдулло Раҳматов, Славко Лукич, Жасур Ҳасанов (Шерзод Темиров, 87), Умарбек Эшмуродов.
Огоҳлантиришлар: А.Хожиакбаров (87) – Ж.Ҳасанов (50).
Назоратчи – Дмитрий Роман (Тошкент).
Комиссар – Алексей Фролов.
“БУНЁДКОР” – “ЛОКОМОТИВ” – 1:2 (0:0).
25 апрель. Тошкент шаҳри. “Бунёдкор” стадиони. 19492 томошабин.
Ҳакамлар: Ахрол Рисқуллаев (Тошкент), Радик Серазетдинов (Тошкент), Алишер Усмонов (Тошкент).
“Бунёдкор”: Муроджон Зуҳуров, Рустамжон Ашурматов, Акрамжон Комилов, Анвар Ғофуров, Жавлон Иброҳимов, Муроджон Тошматов (Фарруҳ Икромов, 75), Сардор Собирхўжаев, Мирғиёс Сулаймонов, Хуршид Ғиёсов, Миржамол Қосимов (Давронбек Умиров, 56), Филип Раевац (Шаҳзодбек Нурматов, 62)
“Локомотив»: Игнатий Нестеров, Кахи Махарадзе, Марат Бикмаев (Бобурбек Йўлдошев, 90), Сардор Мирзаев, Хусниддин Ғофуров (Садриддин Абдуллаев, 70), Ислом Тўхтахўжаев, Санжар Шоаҳмедов, Сардор Рашидов (Диёржон Туропов, 80), Шуҳрат Муҳаммадиев, Олег Зотеев, Игор Йелич.
Голлар: М.Тошматов (60) – М.Бикмаев (72-пень., 86- пен.).
Огоҳлантиришлар: С.Собирхўжаев (56), Р.Ашурматов (71), Ж.Иброҳимов (84), Д.Умиров (90).
Назоратчи – Бахтиёр Тоғаев (Тошкент).
Комиссар – Маъмур Саидқосимов.
Манба:the-uff.com
