Ассалому алайкум ҳурматли футбол ишқибозлари! Ғузор марказий стадионидан онлайн репортажимизни бошлаймиз.
Бугун Ўзбекистон Миллий Биринчилигининг ПРО-Лигасида “А” гурухи 2-тур учрашувлари бўлиб ўтади. Ғузорда “Шўртан” ҳамда “Ифтихор” (Олтиариқ) жамоалари ўзаро куч синашишади.
Эътиборингизга бугунги ўйинни бошқариб борадиган ҳакамлар гурухи, назоратчи ва комиссар ҳақида маълумот берамиз.
Про-лига. «А» гурухи. 2-тур. 10 апрель (Чоршанба)
«Шўртан» – «Ифтихор»
Бош ҳакам: Исхақ Ибрагимов
Қанот ҳакамлари: Бектурсин Канназаров, Жалгасбой Сарсенов
Назоратчи: Тимур Абдуллав
Комиссар: Бекзод Арипов
Бошланғич таркиб
“Шўртан”: 1.Ботир Насиров, 26.Қаҳрамон Баҳодиров, 2.Нурали Падаров,7.Олимжон Каримов, 6. Холмурод Холмуродов, 5.Суннатилло Мамадалиев, 8.Сирожиддин Раҳматуллаев, 14.Акром Баҳромов, 18.Самандар Шодмонов, 10. Маъруфхон Муродов, 28. Шерзод Темиров.
Захирадагилар: 1.Акмал Раҳимов, 3.Хасанбой Эргашев, 20.Шаҳзод Хурсанов, 22.Фарҳод Номозов, 8.Ислом Шодмонов, 17.Юсуф Бўриев, 23.Оғабек Эркинов.
“Ифтихор”: 1.Малик-Абдулазиз Бурхонов, 2.Аҳмаджон Рўзибоев, 3.Жавоҳир Аъзамов, 4.Давронбек Қорабоев, 9.Достонжон Рашидов, 10.Достонбек Бобожонов, 14.Бекзод Алиев, 20.Иззатбек Ғаниев, 21.Жамшид Тўрақулов, 25.Шохруҳ Юлдошев, 77.Абдумалик Тошпўлатов.
Захирадагилар: 5.Асрорбек Тиловолдиев, 6.Асадбек Маъмуров, 13.Шуҳратжон Ўринбоев, 16.Дилхушбек Мўйдинов, 17.Нурулло Мирзажонов, 22.Озодбек Давронбеков, 90.Ғиёсжон Турсунов.
Бугун Ғузорда об-ҳаво яхши. Футбол ўйнайдиган ҳарорат ҳукум сурмоқда. Жамоалар чигал ёзди машғулотларни якунлашди. Ҳамма ўйинни бошланишини кутмоқда.
Жамоалар аста-секинлик билан майдонга тушишяпти. Мухлислар ўйин бошланишини интизорлик билан кутишмоқда
Ўйин бошланди. Ўйинни «Шўртан» жамоаси бошлади.
2` «Шўртан»нинг дастлабки хавфли ҳужуми гол билан якун топди. Лекин ҳакамлар Ш.Темировни ўйиндан ташқари ҳолатда деб баҳолашди.
6` Мезбонлар ҳужумкорликни давом эттиришмоқда. «Ифтихор» жамоаси дарвозаси олдида кетма-кет хавфли вазиятлар юзага келмоқда
12` Майдонда тўлиқ устунлик «Оқ бўрилар» тарафида. Ёш «Ифтихор» жамоаси футболчилари асосий эътиборни ҳимояга қаратишмоқда.
15` Ҳар икки жамоа футболчилари босим остида ҳаракат қилишяпти. «Шўртан» ҳужумда, «Ифтихор» ҳимояда бўш келмаяпти. Ҳисоб очилгани йўқ.
20` Ниҳоят ҳисоб очилди. Мезбонларнинг ҳужумлари ўз самарасини берди.
Гооооол………. Шерзод Темиров ҳисобни очди
⚽ 1:0
30` Жарима зарбаси белгиланди. 5.С.Мамадалиев амалга оширди, хавфли лекин ноаниқ.
32` «Ифтихор» жамоаси тўлиқ ҳимояга ётиб олди. Афсуски шу ўтган вақт давомида бирор марта ҳам ҳужум амалга оширилмади. Ўйин фақат битта дарвозага қарата ўтмоқда…
40` «Ифтихор» жамоасида ўзгариш 14. Бегзод Алиев ўрнига 13. Шуҳратжон Ўринбоев майдонга тушди.
Бу ўзгариш меҳмонлар мураббийлари томонидан вазиятни ўзгартириш учун амалга оширишди.
43` Гоооол….⚽ Акром Баҳромов . Ҳисобни 2:0 га оширди.
45`+1 дақиқа қўшиб берилди.
45`+1 Кетма-кет «Шўртан» футболчилари бурчак зарбасини амалга оширишди.
45`+1 биринчи бўлим тугади. Танаффус. Ҳисоб 2:0
Иккинчи бўлим бошланди.
46`6. Холмурод Холмуродов ўрнига 3.Хасанбой Эргашев майдонга тушди.
53`Гооооол…….⚽ Шерзод Темиров яна бир гол муаллифига айланди
Ҳисоб 3:0.
60` Гоооол……⚽ меҳмонларнинг бугунги учрашувдаги кам сонли ҳужуми гол билан якунланди.
Ҳисоб ўзгарди 3:1
Ҳимоячиларимиз хатога йўл қўйишди
Тўп ҳимоячимизга теккан ҳолда дарвозага кирди. Автогол
Ҳакамлар аниқлик киритишди. «Шўртан» дарвозасига киритилган гол «Ифтихор» жамоасининг 10 рақамли футболчиси Достонбек Бобожонов ҳисобига ёзилди.
72` Огохлантириш 4.Давронбек Қорабоев
76` Ўзгариш 14.Бегзод Алиев ўрнига 22.Озодбек Давронбеков майдонга тушди.
81` Ўзгариш 25.Шохруҳ Юлдошев ўрнига 5.Асрорбек Тиловолдиев майдонга тушди. «Оқ бўрилар» жамоасида ҳам 14.Акром Баҳромов ўринга 23. Оғабек Эркинов кирди.
84` 4. Давронбек Қорабоев «Шўртан» дарвозасини ишғол қилди. Ҳисоб 3:2
Мезбонлар иккинчи бўлимда анча лоқайдлик ва эътиборсизликка йўл қўйишди. Натижада меҳмонлар икки бор «Шўртан» жамоасини жазолашга муваффақ бўлишди.
90`+3 дақиқа қўшиб берилди.
Жамоалар сўнги дақиқаларни ўтказишяпти. «Шўртан» жамоаси навбатдаги ғалабани қўлга қиритишга яқин.
90`+3 ўйин тугади. Ҳисоб 3:2
