Биласиз, ушбу ҳафта сўнггида Coca  Cola  Суперлигада 4-тур учрашувлари бўлиб ўтади.

 Coca Cola Суперлига номи остида ўтадиган 2019 йилги мавсумидан бошлаб, ҳар бир тур учрашувларида жамоаларнинг қандай рангдаги либосда майдонга чиқишлари Профессионал футбол лигаси томонидан белгилаб берилмоқда. Бунда мезбон жамоанинг ўз майдонида мухлислари қаршисида тўп суриши инобатга олиниб, биринчи галда мезбон клубнинг асосий рангидаги либосда ҳаракат қилиши аҳамият касб этади. Шу боисдан ҳар бир клуб янги мавсум учун уй ва сафар либосларини бир-биридан кескин фарқ қиладиган тарзда танлашларига урғу берилди.

4-тур доирасида “Динамо” ўз майдонида “Сўғдиёна” билан баҳс юритади. Мазкур учрашувда самарқандликлар тўлиқ оқ либосда майдонга чиқишади. Жиззахлик футболчилар эса тўлиқ кўк формада ҳаракат қилишади.

Таъкидлаш жоиз, “Динамо” – “Сўғдиёна” учрашуви 13 апрель, шанба куни соат 16:15да бўлиб ўтади.

Манба:pfl.uz