Биринчи турнинг иккинчи ўйини Фарғонада ўтказилди. Мезбонлар мавсумнинг очилиш учрашувини кўтаринки савияда ташкил қилишди.
Байрам дастури барчага манзур бўлди.
Ўзбекистон Миллий олимпия қўмитаси президенти, Ўзбекистон футбол ассоциацияси биринчи вице-президенти Умиджон Аҳмаджонов ҳам Фарғонага ташриф буюриб, барча мухлисларни янги мавсум бошланиши билан самимий муборакбод этди.
Ўйинни эса рамзий маънода ўзбек футболи фахрийси Биродар Абдураимов тўпни майдон марказидан ўйинга киритиб, очиб берди.
Учрашув кутилганидек шиддатли, кескин ўтди. Ҳар иккала жамоа томонидан хавфли вазиятларга бой бўлди. Аммо ҳисоб очилмади.
“Нефтчи” – “Насаф” – 0:0.
Ҳакамлар: Равшан Эрматов (Тошкент), Абдуҳамидулло Расулов (Тошкент), Жаҳонгир Саидов (Тошкент), Жасур Мухторов (Тошкент).
“Нефтчи”: Абдумавлон Абдужалилов, Искандар Шойқулов, Шукурали Пўлатов, Жалил Кимсанов, Аббосбек Махсталиев (Анвар Бердиев, 76), Абдул Азиз Юсупов, Ҳусниддин Ғофуров, Абдужамол Исроилов, Вячеслав Сушкин (Абдураҳмон Абдулхақов, 46), Аваз Агалиев (Элёр Мамасолиев, 62), Достонбек Турсунов.
“Насаф”: Санжар Қувватов, Мақсуд Каримов, Азизжон Ғаниев, Санжар Рашидов (Одилжон Ҳамробеков, 63), Бобир Абдухолиқов, Дониёржон Нарзуллаев (Ислом Кенжабоев, 13, Шароф Муҳитдинов, 89), Игорь Голбан, Ислом Рашидхонов, Сайдулло Раҳматов, Славко Лукич, Жасур Ҳасанов.
Огоҳлантиришлар: Ш.Пўлатов (29), А.Агалиев (34), Э.Мамасолиев (85) – А.Ғаниев (26), С.Раҳматов (75), О.Ҳамробеков (85).
Назоратчи: Арслон Хотамов (Тошкент)
Комиссар: А.Фролов.
Ёшлар – 1:2 (Отабек Ахмаджонов, 25 – Шерзод Темиров, 3, Акмал Мозговой, 90+1).
Манба: pfl.uz
