Маълумки, кейинги йилларда мамлакатимизда спорт, шу жумладан футболнинг ривожланиши ва такомиллашувига ҳукуматимиз, шахсан Президентимиз Шавкат Миромонович Мирзиёев томонидан жуда катта эътибор қаратилмоқда. Жумладан давлатимиз раҳбарининг 04.12.2019 йилдаги “Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида”ги ПФ-5887-сонли фармони, шунингдек “Ўзбекистон Республикасида жисмоний тарбия ва спортни янада такомиллаштириш ва оммалаштириш чора-тадбирлари тўғрисида”ги ПФ-5924-сонли фармони бунга яққол мисол бўла олади.

Футбол бўйича ПРО-лига баҳсларида иштирок этаётган Ғузорнинг “Шўртан” футбол клуби ҳомийлари ва раҳбарияти бугунги кунда айнан мана шу қарорларни ҳаётга татбиқ этиш йўлида кенг кўламли ишларни амалга оширмоқда. Бир неча йиллар давомида Ғузорда шаклланган ва самарали фаолият кўрсатиб келаётган мукаммал футбол инфро тузилмаси ёнига жорий йил бошидан эътиборан болалар футбол Академияси биносини ҳам қўшилди. Ушбу футбол илм масканида барча шароитлар яратилган: 45 ўринли шинам ётоқ жой, овқатланиш ошхонаси, ювиниш ва дам олиш, тикланиш, ўқув жараёнларини олиб бориш хоналари, турли хил йиғилиш, илмий амалий семинарлар ўтказиладиган конференц заллар ўқувчилар ихтиёрига берилади. Бундан ташқари спорт ҳамда футбол сир-асрорларини ўрганиш, амалий машғулотлар ўтказиш учун бир нечта табиий ва сунъий қопламали футбол майдонлари, спорт майдончалари ва жиҳозлари ҳам Академия ўқувчиларига мунтазир.

Тасдиқланган режа асосида яқин вақт ичида танлов ва селекция ишлари бошланади. Унинг натижаларига кўра дастлабки тингловчилар ушбу футбол илм масканига қабул қилинади.

Эътиборингизга Ғузор футболининг инфротузилмасини акс эттирувчи видео лавҳаларни намойиш этамиз.

Маълумот учун телефонлар: +99897-801-72-06, +99897-222-78-71

“Шўртан” ПФК матбуот хизмати бўлими