Ҳурматли футбол мухлислари, Ғузорликлар ва шаҳримиз меҳмонлари. Барчангизни Футбол бўйича Ўзбекистон ХХVIII миллий Биринчилиги ПРО-Лига “А” гуруҳи ўйинлари 4-тур учрашувига таклиф қиламиз. Унда “Оқ бўрилар” Самарқанднинг “Шердор” жамоасини ўз майдонида қабул қилади.

Ўйин 2019 йилнинг 24 апрель куни Ғузор шаҳрининг “Марказий” стадионида соат 17:00 да бошланади.

Сергей Ковшов шогирдлари кетма-кет иккита ғалабадан сўнг,  ўтган турда йирик ҳисобда мағлубиятга учради. Шунинг учун “Оқ бўрилар” мухлислари ушбу учрашувда  ижобий натижа кутишмоқда. Бундан ташқари айни пайтда турнир жадвалининг юқори қисмида кескин вазият юзага келган. Айнан 4-тур мусобақа пешқадамлигига ойдинлик киритиб бериши керак.

Жамоалар майдонда  қуйидаги рангли либосда ҳаракат қилишади: “Шўртан” – кўк, “Шердор” – сариқ

Учрашувни бошқариб борадиган ҳакамлар билан танишинг: Бош ҳакам: Исхақ  Ибрагимов (Нукус). Ёрдамчилар: Бектурсин Канназаров (Нукус) ва Жалгасбой Сарсенов (Нукус).

Назоратчи: Андрей Клепиков (Тошкент). Комиссар: Алишер Файзиев (Тошкент). Захирадаги: Фирдавс Норсафаров (Қарши).

 

“Шўртан” ПФК матбуот бўлими.