Мамлакатимизнинг тарихий шаҳарларидан бири бўлган Қўқон жамоаси билан бекободликлар миллий чемпионатларимиз доирасида 16 бора тўқнаш келишган. Мазкур учрашувларнинг 6 тасида Тошкент вилояти вакилларининг қўли баланд келган бўлса, 2  та ўйинда дуранг натижа қайд этилган. 8 та ўйинда эса водийлик футболчилар муваффақият қозонишган. “Металлург” рақиблари дарвозасига 24 та гол киритиб, ўз дарвозасидан 27 гол ўтказиб юборган.

“Металлург”нинг энг йирик ҳисобдаги ғалабаси 2000 йилги чемпионатда кузатилган бўлиб, ўшанда бекободликлар “Темирйўлчи”ни 6:1 ҳисобида доғда қолдирганди. Қўқонликларнинг йирик ғалабаси 5:1 кўринишини олган.

Жамоаларнинг Бекободда ўтказилган саккизта ўйинида олти марта мезбонлар зафар қучишган бўлишса, битта ўйинда дуранг натижа қайд этилган. Бир марта эса омад меҳмонларга кулиб боққан. Мазкур учрашувларда “Металлург” 20, “Қўқон 1912” жамоаси 26 очкога эга бўлган.

Қуйида ушбу жамоаларнинг Бекободда бўлиб ўтган сўнгги беш учрашуви натижаси билан танишинг:

22.09.2017    Металлург  –  Қўқон 1912    3:0

30.04.2016    Металлург  –  Қўқон 1912    3:1

06.06.2015    Металлург  –  Қўқон 1912    2:1

14.05.2003    Металлург  –  Қўқон 1912    3:1

23.03.2002    Металлург  –  Қўқон 1912    0:2