Турни АГМК ва “Навбаҳор” клублари ўртасидаги учрашув очиб беради. Олмалиқда мавсумни очиб берадиган ўйинга бўлган қизиқиш юқори даражада бўлиб турибди. Шунингдек, бугун “Қизилқум” ўз майдонида “Қўқон-1912” клубини қабул қилади. Илк турда мағлубият аламини таътиб кўрган жамоалар ўртасида ғалаба учун жиддий кураш кечиши тайин. Ушбу ўйин аслида Қўқон шаҳрида ўтказилиши керак эди, бироқ “Қўқон-1912” илтимоси билан баҳс Навоий вилоятига кўчирилган.

ОЧЛда иштирок этаётган клубларимиз эса эртага баҳсларга киришадилар. 1-турда Фарғонада “Нефтчи” билан дуранг ўйнаган “Насаф” жамоаси бу сафар ўз майдонида “Бухоро”ни қабул қилади. “Локомотив” эса Тошкентда “Металлург” билан куч синашади.

Турнинг марказий ўйини пойтахтда бўлиб ўтади. “Бунёдкор” жамоаси ўз стадионида “Пахтакор”га қарши саф тортади. Принципиалликка бой бўлган тўқнашув кўпчиликнинг диққат-марказида турибди. Мазкур турни “Сўғдиёна” – “Нефтчи” учрашуви расман ёпиб беради.

Суперлига, 2-тур

8 март (пайшанба)

АГМК – “Навбаҳор”. Соат 18:00.

“Қизилқум” – “Қўқон-1912. Соат 20:00.

9 март (жума)

“Насаф” – “Бухоро”. Соат 18:00.

“Локомотив” – “Металлург”. Соат 20:00.

10 март (шанба)

“Бунёдкор” – “Пахтакор”. Соат 17:30.

“Сўғдиёна” – “Нефтчи”. Соат 20:00.